Fágadh lucht leanta na sraithe ar bís agus in amhras i gclár deireadh na sraithe reatha, an dara séasúr déag ar fad, nuair a sciorr an coirpeach O’Dowd le haill agus é amuigh ag siúl lena bhean chéile, Ríona atá ag iompar clainne.         

Ach ba lúbaire cleasach é Jim riamh agus cá bhfios nach seift eile í seo aige le dallamullóg a chur ar chách agus len éalú ó na deacrachtaí éagsúla atá ag bagairt air, ina measc bannaí cúirte agus téarma príosúin. Nochtfar gach rún sa bhFómhar i séasúr úr-nua.   

Tá an baile trína chéile arís ag an scéala gur thit duine áitiúil isteach sa bhfarraige le linn siúlóide cois aille. Déanann na Gardaí agus an Garda Cósta iarracht ar chuardach ach tá an aimsir chomh dona sin go gcuirtear an iarracht ar athló go maidin. 

Tá Ríona faoi imní mhór gur i bpríosún a bheidh sí féin agus a céile má ghlacann cúirt le fianaise Tina ina gcoinne. Cé go bhfuil O’Dowd ag iarraidh í a chur ar a suaimhneas, tá sé féin faoi imní go bhfuil an rud is ansa ar fad leis ina shaol - bhean agus an leanbh sa mbroinn - i mbaol a mbasctha ag a chúlra coiriúil.